Shqipëria nderon me “Shqiponja të Arta“ kontribuesit e diasporës

Për nëntë (9) ditë, Shqipëria, organizoi aktivitet për Samitin e Parë të Diasporës Shqiptare. Filloi më 12 nëntori dhe u përmbyll me ceremonin Gala mbrëmje e quajtur mbrëmja Shqiponja e Artë. Në natën e fundit të Samitit, në Pallatin e Kongreseve në Shqipëri, përvec këngëve dhe valleve, u ndanë edhe 15 Shqiponja të Arta për grupe dhe individë që kontribuojnë në përmismin e imazhit shqiptar nëpër botë.

‘’Shqiponja e Artë që u ndanë gjatë këtij samiti, për herë të parë, qëllimisht nuk iu kushtua yjeve shqiptare të artit, të kulturës apo të shkencës, që bashkë me duartrokitjet, vlerësimet, respektin botëror e kanë marrë të gjithë këto vite edhe shprehjen e vazhdueshme të mirënjohjes tonë. Shqiponjat e këtij edicioni të parë të Samitit të Diasporës janë simboli i mirënjohjes për grupe dhe individë më pak të njohur (për publikun), por jo nga kontributi ’’, tha Kryeministri Rama gjatë fjalës së tij.

Kryeministri Edi Rama

Për rrjetëzimin e Diasporës Shqiptare, Shqipëria nderoi organizatën tonë me një  Shqiponjë të Artë. Në emër të Germin, çmimin e pranoi Liza Gashi, drejtoreshë e programeve, ndërsa çmimin e ndau Ministri i Diasporës në Kosovë, Valon Murati.

“Jam shumë i lumtur që këtë çmim po e ndaj për një organizatë e cila është duke punuar intenzivisht në rrjetëzimin e diasporës. E kjo organizatë është Germin’’, shtoi Ministri Murati.

Ministri i Diasporës në Kosovë, Valon Murati duke e dhuruar çmimin për Germin

Ndërsa për Gashin, cmimi i dedikohet të gjithë atyre që punojnë pa u ndalur  dhe që  jetojnë në 16 vende të botës që vazhdimisht kanë mbështetur inciativat e ndërrmara nga Germin. Vlen të theksohet puna e madhe që është bërë me platformën KosovoDiaspora.org” .

Liza Gashi duke e pranuar çmimin ”Shqiponja e Artë”.

Ndërsa laureatët e tjerë të mbremjes ishin:

Investime në Atdhe –  ”Gazmend Toska”.

Rolin e Gruas në Diasporë – Programi “Shpresa” si dhe organizata e grave “Motrat Qiriazi”.

Diaspora dhe Roli i saj në jetën Politike – ‘’Mark Gjonaj’’.

Kontributin e Shquar në Pavarësinë e Kosovës – “Batalionin e Atlantikut”, Uran Rexhepin.

Zërin e Komunitetit në Diasporë -’’Keti Biçoku’’.

Mësimi i Gjuhës Shqipe – ‘’Aurela Konduri’’.

Diaspora dhe Zëri i saj në Skenën Politike – Familjen Rusi dhe Mario Brunettin.

Zëri i Komunitetit në Diasporë – ‘’Albinfo’’ në Zvicër.

Rrjetëzimi në Diasporë – ‘’Unionin Global të Bizneseve Shqiptare në Diasporë’’.

Kontributi në Pavarësimin e Kosovës‘’Bruno Selimaj’’

Diaspora dhe Zëri i Saj në Skenën Politike -’’Rukije Kondaj’’

Rrjetëzimi i Diasporës  – Instituti “Alb Shkenca”. 

Fotografitë: Fatbardha Gashi